Nuffnang Ads

Saturday, 15 December 2012


(29)  Bird Photography                                 ဓါတ်ပုံပညာ ဆိုင်ရာ မှတ်စုများ (၂၉)

 

 

 ငှက်  မုဆိုး

Bird Photography

 

By Soe Hlaing

 





ငှက်ကို ကင်မရာဖြင့်ပစ်သည့် မုဆိုးများ အကြောင်း ဖြစ်ပါသည်။ ဓါတ်ပုံ ရိုက်ရာတွင် ရိုက်ကွင်းကို စိတ်ကြိုက်ဆင်ကာ ရိုက်ကူးနိုင်သည့် ပုံစံမျိုး ရှိသကဲ့သို့ အခြေအနေ ကို မိမိက အတော် အသင့် မျှသာ ဖန် တည်းနိုင်ပြီး ပေး လာသည့် အခြေအနေ ပေါ် မှာသာ အများဆုံး မှီတည် ရိုက်ကူး ရသည့် ပုံစံ မျိုးလည်း ရှိပါသည်။ အဆိုပါ ဒုတိယ အမျိုး အစားမှာ ခက်ရာ ခက်ဆစ် စိတ်ရှည် လက်ရှည် ရိုက် ကူးရသည့် တောတွင်း တိရိစ္ဆာန် များ ရိုက်ကူးခြင်း ( Wild Life Photography ) ပင် ဖြစ်ပါသည်။


တောတွင်း တိရိစ္ဆာန် များ ရိုက်ကူးခြင်း ( Wild Life Photography )  ဟု ဆိုလျှင် တောတွင်းရှိ သား ရဲ တိရိစ္ဆာန် များပါ ပါလာကာ များစွာ ကျယ်ဝန်း ပြီး အလွန်လည်း ခက်ခဲ သည့် ရိုက်နည်း ဖြစ်ပါသည်။ တောတွင်း တိရိစ္ဆာန် များ ရိုက်ကူးခြင်း ( Wild Life Photography )  မဆိုထားနှင့် လူ နှင့် အနေနီးသည့် ငှက်များကို သဘာဝ အတိုင်း ရိုက်ကူး ရသည်ပင်လျှင် အတော် ခက်ခဲ ကြောင်း ဖေါ်ပြလို ပါသည်။

 

ကျွန်တော် တောင်ဖတ် မြောက် ဖတ် လိုက် ဖတ်နေသည့် အထဲ တွင် -

  သေသေ ခြာခြာ လေ့လာ ပြင် ဆင်ခြင်း မရှိဘဲ သဘာဝ ငှက်ပုံ ကောင်း လေးများ လည်း ရတတ်ကြောင်း၊ သို့ သော်  ကံ ကောင်း ထောက်မ၍ ရခြင်း သာ ဖြစ်ကြောင်း။ အမှန် တကယ် လေ့လာ ပြင်ဆင် ပြီး ရိုက်ကူး သူ များကဲ့ သို့ ပုံ ကောင်းများ အမြဲ တစေ မရ နိုင် “ 
ဟူ၍ ဖြစ်ပါသည်။ ဖတ်မိကာစက အမှု မဲ့ အမှတ်မဲ့ သာ နေခဲ့ မိပါသည်။
 
Olive Back Sun Bird.
 
ကျွန်တော် Olive Back Sun Bird သေးသေး လေး ၏ ပုံ ကောင်း လေး အချို့ ကို ကံ အားလျှော် စွာ ရခဲ့ ဘူးပါသည်။ အကောင် အလွန်သေး၍ မြန်လည်း အလွန်မြန်ပါသည်။  ၀င်း အတွင်းရှိ ပန်းများကို ရိုက်နေစဉ် အဆိုပါ Sun Bird အုပ်စု တစ်စု ၀င်လာကာ ပန်းပင်များ အတွင်း ပျံသန်းနေကြ သည်။ ၄င်းတို့ ထဲ မှ တစ်ကောင်သည် အလင်းရောင် ကောင်းစွာ ကျနေသည့် ကင်မရာရှေ့ က ပန်းပင် ပေါ် လာနားရာ ဘာမျှ များမျာားစားစား မကြိုးစားလိုက်ရဘဲ ပုံကောင်း ရလိုက်ပါသည်။ နောင်တစ်ကြိမ်များ ပြန်လာ  နိုး နှင့် စောင့် သော်လည်း နှစ်ပေါက် သည့်တိုင် မလာတော့ပေ။ ထိုစဉ် မှသာ အတွေ့ အကြုံ များသည့် ပညာ ရှင်များ ရေးသား ထားသည်မှာ မှန်လိုက်လေ ဟု ဆိုမိပါသည်။
 
Collared King Fisher
 
အထက်ပါ Collared King Fisher ပုံမှာ လည်း ရေကူးကန် အနီးရှိ မိုးကာ တဲ၏ အမိုး အစွန်းတွင် လာနေစဉ် ကင်မရာ ရှိနေခိုက် နှင့် လည်း ကြုံ နေ၍ ရိုက် နိုင်ခဲ့ခြင်း ဖြစ်ပါသည်။ နောင် လည်း ထပ်၍ မတွေ့ တော့ပါ။
 
ဤ ရိုက်နည်းစနစ် ဖြစ်သည့် Bird Photography ကို နားလည် ကျွမ်းကျင် သူများ အနေ နှင့်မူ အဆိုပါ ငှက်များ၏ သဘာဝ အရ သွားလာ နေထိုင် စားသောက် တတ်သည့် နေရာ အချိန် တို့ တွင် စနစ် တစ်ကျ စောင့်ကာ ရိုက်သည် ကို ဥယာဉ်များ အတွင်း တွေ့ ဘူးပါသည်။ အဆိုပါ ပုဂ္ဂိုလ် များ အနေ နှင့် မူ ပုံ ကောင်းပေါင်း များစွာ ရ နိုင်မည် မှာ သေခြာ ပါသည်။
 
ငှက် သွားခြောင်းခြင်း။
ငှက် သွားခြောင်း သည်ဟု သာ ဆိုရ သည် စင်စစ်မှာ Filter စမ်း ရန်သွား ခြင်း သာ ဖြစ်ပါသည်။ မတော် တဆ ကံကောင်း သောကြောင့် လင်းယုန် ငှက် နှင့် ကြုံ ခြင်း ဖြစ်ပါသည်။ တစ်နေ့ တွင် ကျွန်တော် အိမ် အနီးရှိ Little Guilin Lake ဘက်သို့ လေလော လတ်လတ် မှာ ထားရာမှ ရောက်လာသည့် CPL Filter တစ်ခု စမ်း ရိုက်ရာထွက် ခဲ့ပါသည်။ အဆိုပါ ရေကန် သည် ကျောက်တောင်များ ဘေးတွင် ရှိပြီး သစ်ပင်များ  တော တောင် ကောင်း ကင် ရေပြင် နှင့် အတော် လှ သည့် နေရာ ဖြစ်ပါသည်။
Little Guilin Lake
 

ထိုစဉ် ဓါတ်ပုံ သမား ငါး ဦး ခြောက်ဦးခန့် ကင်မရာ အိပ်များ Tripod ကြီး များ ထမ်း ကာ ပြန်သွား သည် ကိုတွေ့ လိုက်ပါသည်။ ဤနေရာသည် မကြာ ခန ရုပ်ရှင် ရုပ်သေ ဓါတ်ပုံ ရိုက်သူ များတွေ လာလေ့ ရှိသဖြင့် သာမန်ကိစ္စအဖြစ်သာ ခပ်ပေါ့ပေါ့ သဘော ထားလိုက် ပါသည်။
 
ငှက် လာခြောင်း သည့် ဓါတ်ပုံ ဆရာ ။
 
ထိုစဉ် ကင်မရာ အိတ် ကြီး ကြီး နှင့် လူ တစ်ဦး ရောက်လာကာ…
“ ဒီကို လင်းယုန်  (Eagle ) လာရိုက်တဲ့ ဓါတ်ပုံ သမားတွေ တွေ့ လိုက် သလားဗျာ “   လို့  ကျွန်တော့် ကို မေးပါသည်။
“ ဓါတ်ပုံ သမားတွေ ပြန်သွား တာတော့ တွေ့ လိုက်တယ် ဗျ ။ ဘာ လာရိုက် တာလည်း တော့ မသိဘူး။ “
“ Eagle လာရိုက်တဲ့ ကျွန်တော်တို့  အဖွဲ့တွေပါ။ ကျွန် တော် က နောက် ကျနေ လို့ပါ။ “
“ ကျွန်တော် ဒီနားမှာ နေတာဘဲ။ ဒီကိုလည်း နေ့တိုင်း လောက် နီးပါး ရောက်နေ တာဘဲ။ Eagle တစ်ခါ မှ မမြင် ပါဘူး ဗျာ။ 
  ဒီနေရာ က Eagle လာပြီး ငါး ဖမ်းတဲ့နေရာ ဗျ။ ဟို ကျောက် တောက် ထိပ်က သစ် ခြောက် ပင် ကို လာ နားတတ် တယ်။ အဲ ဒီက နေ ရေကန် ထဲ က ငါး ကို ဆင်း ဖမ်း လေ့ ရှိတယ်။”
သူ ပြသည့် နေရာသည် ကျွန်တော် တို့ စကားပြော သည့် နေရာ မှ အနည်း ဆုံး ကိုက် တစ်ထောင် ထက်မနည်း ဝေးသည့် တောင် ထိပ် ပေါ် ကျောက် အငူ အစွန်း ပေါ်ရှိ သစ် ခြောက် ပင် ဖြစ်သည်။
ထို အချိန်ကျ မှ ပင် လွန်ခဲ့သော နှစ်လ ခန့် က ဧရာမ ကင်မရာ အိတ်ကြီးများ နှင့် ဓါတ်ပုံ ဆရာနှစ်ဦး၊ တစ်ဦးက Teleconver များ တပ်ထားသည့် Nikon 600mm , f-4 Lens ကျန်တစ်ဦးက Canon 400mm, f-2.8  Lens စသည့် ဧရာမ Lens ကြီးများအား  ဧရာမ Tripod ကြီးများတွင် တပ် ကာ ငှက် လာ ခြောင်း ကြသည်ကို ပြန် သတိပြုမိ တော့သည်။ ထိုစဉ် ကိုယ်ကလည်းဓါတ်ပုံ ၀ါ သနာ ပါသဖြင့် ၀င်စပ် စုရာမှ သူတို့ ငှက်လာ ခြောင်း သည်ကို သိလိုက်ရပြီး ၄င်းတို့ ရိုက် ထား သော လက်ဖျားခါ ရလောက်အောင် ကောင်းလှသည့် Eagle ပုံ များကို ၄င်းတို့ ပါလာသည့် Tablet ဖြင့် ကြည့် ခွင့်ရခဲ့ပါသည်။
 
Eagle နားလေ့ ရှိသည်ဆိုသော ကျောက် တောင် ထိပ်။ ပုံတွင် ကျောက်တောင် ထိပ်ရှိ သစ်ခြောက် ပင်ကို အစက် အလေးမျှသာ မြင်နိုင်ပါသည်။
 
တိုက်တိုက် ဆိုင်ဆိုင် သူပြောသည့် အချိန် မှာပင် လင်းယုန် ငှက် တစ်ကောင် ပျံ လာပါပြီး သူပြောသည့် အပင် ခြောက် မှာ ပင် လာ၍နား ပါသည်။ သတိ မမူ ဂူ မမြင် ဆိုသကဲ့ သို့ ပင်။  ကျွန်တော် သည်နေရာကို အကြိမ် ပေါင်း မရေ မတွင် နိုင်အောင် ရောက်သော် လည်း လင်းယုန် ငှက် ကို ယခင်က တစ်ကြိမ် မျှ မမြင်ဘူးခဲ့ပါ။
ဤ အချက်သည်  Bird Photography အတွက် အသေအခြာ စနစ်တကျ လေ့လာ ထားသူ နှင့် လေ့ လာ မထားသူ တို့  ၏ အဓိက ကွာ ခြားချက် ဖြစ်ပါသည်။
ကျွန်တော်က 18-200mm Lens ပါသွားသဖြင့် 200mm အပြည့် ဖြင့် ရိုက်လိုက် ပါသည်။ ကွန်တော် Bird Photography  နားလည် ပုံ မပေါ်သည် ကို သူက ရိပ်စားမိသည်။
“ ခင်ဗျား ဒီလို ရိုက် လို့ သေးသေးလေး ဘဲ ရမှာ ပေါ့။ “
“ ဒါဖြင့် ဘယ်လို ရိုက် ရမှာ လဲ ဗျ။ “
“ လင်းယုန်ဆိုတာ မျက်စေ့ အလွန်လျှင်တယ်။ အဲဒီ အမြင့် ကြီးပေါ်က နေ အောက်ရေကန် ထဲ က ငါး ကိုမြင်ရတယ်။ သူ ငါးတွေ့ တာ နဲ့  တဟုန်ထိုး ဆင်း လာလိမ့် မယ်။ အဲ ဒီ လို အရှိန် နဲ့ ဆင်းတဲ့ ပုံ နဲ့  ငါး ကိုသုတ် တဲ့ အချိန် ရယ် ပြန် တက်တဲ့ အချိန်ရယ်ကို အမိ ရိုက်ရမှာ။ “
Eagle နားနေရာ မှ ပျံတက်ရန် တာစူနေစဉ်။

 
  အရှိန် အဟုန် နှင့် ပျံ အဆင်း။


ငါးကို သုတ်ပြီး ပြန်အတက်။


အထက်ပါ ပုံများမှာ ဖေါ်ပြခဲ့သည့် ကြီးသုံးကြီး - Camera Bag ကြီးကြီး ၊ Lens ကြီးကြီး၊ Tripod ကြီးကြီး - နှင့် ဆရာ များပြခဲ့သောပုံ များ နှင့် အနီးစပ်ဆုံး နမူနာ များ ဖြစ်ပါသည်။
 
၎င်းပြောသော အသက်ဝင်သည့် ပုံများ မရ စေကာမူ မှတ်တမ်း လောက် ရရ ဆိုကာ လင်းယုန်ကို 200mm ဖြင့် ရိုက် ရာတွင် Subject က ဝေးလွန်းသည့်အတွက် သူ ပြော သည့် အတိုင်းပင် ပုံသေးသး လေးပင် ထင်သည်။ သို့ နှင့် သွားလေရာ အစဉ် ဆောင်သွား လေ့ ရှိသည့် 80-400mm နှင့် ထပ် ရိုက်ပြန် သည်။ 400mm ဆိုစေကာမူ Nikon DX ( APS-C ) တွင် တပ် ကာ ရိုက်သဖြင့် Crop-Factor အရ 600mm လောက် ဖြစ်နေသည်။ စိတ်ထဲ တွင် ပုံ အတော် ကြီးကြီး ရလိမ့်မည်ဟု ထင်သော် လည်း ထင် သလောက် ပုံ ကြီးကြီးမရပါ။
 
သစ်ချောက် ပင်တွင် နား နေသည့် Eagle ကို 200mm ဖြင့် ရိုက်ထားသည့် ပုံ။
 
သစ်ချောက် ပင်တွင် နား နေသည့် Eagle ကို 400mm ဖြင့် ရိုက်ထားသည့် ပုံ။
 

ဤနေရာတွင် Bird Photography နှင့် ပတ်သက်၍ “ တတ်စွမ်းသမျှ အနား ကပ် နိုင်အောင် ကြိုးစားပါ။ Fram ပြည့်အောင် ကြိုးစား ရိုက်ပါ  “ ဆိုသည့် ဖတ်မှတ် လေ့ လာထားချက်  က  ခေါင်းထဲ တွင် ပေါ်လာသည်။
 
အထက် တွင် ရေးထားသည့် "  အနား သို့  ကပ်နိုင်သမျှ ကပ် ပါ "  ဆိုသည်မှာ နား  နေသည့် ငှက် အနား သို့  ရ နိုင်သမျှ ကပ် ရန် ကြိုး စားပါဟု ဆိုလိုပါသည်။
 
လက်တွေ့  တွင် မူ တောတွင်း သတ္တ၀ါ အရိုင်း မဆိုထား နှင့် လိပ်ပြာ ကဲ့ သို့  အကောင် အနား သို့ ပင် အနား ကပ် ရိုက် ရန်မလွယ်လှ။ Wild Life ကို အုပ်စု နှင့် ရိုက်လျှင် မိမိ က ထင်သလို Subject အနား သို့  ကပ်ရန် ကြိုးစား ခြင်း ကို အခြားသူ များက လုံးဝ မကြိုက်။ အကြောင်း မှာ အဆိုပါ သတ္တ၀ါ သည် လူ ၏ခြေသံ ကြား ခြင်း၊ အနံ့ ရခြင်း၊ လူကို မြင်ခြင်း တို့ ကြောင့် ထွက်ပြေး သွားလျှင် အခွင့် အရေး လက်လွတ် သွားမည် စိုး၍ ဖြစ်သည်။
 
 
 
 
ထိုအချိန်တွင် အဆို ပါ ပုဂ္ဂိုလ် အား ၄င်း၏ ရိုက်ပုံ ရိုက်နည်း ကိုမေးရာ -
“ ကျွန်တော်လည်း ၀ါသနာ ရှင်ပါဗျာ။ ကျွန်တော် ကတော့ အလွန်မြန် တဲ့ Action ဖြစ်လို့ Shutter Priority ထားပါတယ်။ 1/2000 Secs လောက်ထားပါတယ်။ ကျွန်တော်တို့ ကင်မရာ နဲ့ Lens က သိတ်မလိုက် နိုင်လို့  ISO ကို 400 အထက် လောက်တင် လိုက်ရပါတယ်။ Continuous Focusing နဲ့ Frame များများ ရိုက်ပါတယ် ။ ကျွန်တော် တို့ ကင်မရာက တစ်စက္ကန့် ကို 11-Frame ရိုက်ပါတယ်။  Bird Photography က ငါးမျှား သလိုဘဲ ဗျ ။ အဲဒီလို ဘယ် အချိန် ဆင်းလာမလဲ ဆိုပြီး ရင်တမမ နဲ့ စောင့်ရတာနဲ့ သူ့ ရဲ့  Graceful Action ကို ရိုက်ရတာကိုက အလွန်ပျော် စရာ ကောင်းတယ် ဗျ။ “
ထိုအချိန်အထိ ကိုရွှေ လင်းယုန်က နားနေသည့် သစ် ကိုင်းပေါ်မှ တုတ်တုတ် မှ မလှုပ်။
“ လင်းယုန် ဘယ်တော့ လောက် ဆင်း လာ တတ် သလဲ ဗျ။ “  ကျွန် တော့ ရဲ့ အမေး။
  ဒါကတော့ ကျွန်တော် လည်း မပြော တတ် ဘူး။ တစ်ခါ ကတော့ ကျွန်တော် အတော် ကံကောင်း တယ်ဗျ။ စောင့်နေတာ နာရီ ၀က်လောက်မှာ တင် လင်းယုန် ကဆင်းလာတယ်။ တစ်ခါ တစ်ရန် မှာ တော့ နှစ်နာရီလောက် စောင့် တာတောင် ဆင်း မလာဘူးဗျ။ “  ဒါက သူ ရဲ့  အဖြေ။
ကျွန်တော် လည်း မစောင့် နိုင် ၍ ပြန်လာခဲ့ ပြီး Bird Photography အကြောင်း ပြန် လှန် လှော ဖတ်ကြည့် မိ ပါလေသည်။
သည်တွင် Bird Photography ရိုက် ရာတွင် အောက်ပါ အဓိက အချက် (၃) ချက် ကိုတွေ့ လိုက် ရပါသည်။
၁။     အစီအစဉ်။ ( Planning )
၂။     ကျွမ်းကျင် မှု။ ( Skill)
၃။     ပစ္စည်းပစ္စယ။ ( Equipment )
 
Planning
မည် သို့သော ငှက် သည် မည် သည့် နေရာသို့ လာတတ်သည်ကို သိထားရန် ကြိုတင် လေ့လာ ထားရပါမည်။ ငှက် အပါအ၀င် တိရိစ္ဆာန် အားလုံးသည် လာမြဲ သွားမြဲ အကျင့်  ရှိပါသည်။ ပုံ မှန် လာ တတ် သွား တတ်သည့် အနေအထားကို သိမှ သာလျှင် ကြိ်တင် စောင့်ကာ ရိုက်နိုင်ပါသည်။ အထက်ပါ လင်းယုန် ကိုလာ စောင့် သူများသည် လင်းယုန် ငှက် အဆိုပါ နေရာ သို့ မည်သို့ သော အချိန်တွင် လာလေ့ ရှိသည် ကို လေ့လာ ကာ အဆိုပါ အချိန် ကို လာစောင့် ကြခြင်း ဖြစ်သည်။
အထက်ပါ လင်းယုံ ကို စောင့် ရသည်မှာ ကန် နဘေးက ကျောက်ခင်း လမ်း ပေါ် မှ ဖြစ် သဖြင့် ထူးထူးခြားခြား ပြင် ဆင်ရန်မလိုသော် လည်း ရွှံ့ ညွှံ များ ရှိသည့်  Wet Land နှင့် တောကြီးများထဲတွင် ရိုက်ကူးရာတွင်မူ သက်ဆိုင်ရာ နေရာနှင့် လိုက်လျှော ညီထွေ ရှိသည့် အ၀တ်အစား နှင့် ဘိနပ်များလိုပါမည်။ ဖြုတ် ၊ ခြင် စသည် အကောင်များ ကိုက်ခြင်း မှ ကာကွယ်ရန် Spray ၊ စစ်ရောင် မိုးကာစိမ်း၊ ခေါက် ထိုင်ခုံ အသေး  စသည်တို့ လိုပါမည်။
ကင်မရာ နှင့်ပတ်သက် ၍မူ ကင်မရာ ဘက်ထရီ ၊ Fill-in Flash အတွက် Battery အပိုများကိုပါ အားသွင်း ထားရန် လိုပါမည်။  Long Tele photo Lens များလိုပါမည်။
 
၂။     Skill.
ငှက် များ အား 600mm ကဲ့သို့ Long Tele ဖြင့် ဆွဲကာ ရိုက် သကဲ့သို့  ထိုမျှ Focal Length ရှည် ရှည် ဖြင့် မရိုက် နိုင် ပါက အနားသို့ တတ်နိုင် ကပ်ကာ ရိုက် နိုင်ရေး အတွက် ကြိုး စားသင့်ပါသည်။ အခြေအနေ ကြည့် ပြီး ကပ် ရန်ကြိုးစားပါ။ ထင်တိုင်းတော့ ကပ် ၍ မရပါ။ ပုံ ကောင်း ရရန် အတွက် ရိုက် စဉ် ထည်းက Subject အား Frame ထဲတွင် Composition ကို တစ်ခါထည်းချကာ ရိုက်ပါ။ Colour, Texture, Line စသည်တို့ ကို အကောင်းဆုးံ ရအောင် ကြိုးစားပါ။ အလင်းရောင် လုံလောက်စွာ ရ အောင် စောင့် နိုင်သမျှ စောင့်ပါ။
အလင်းရောင်နည်းသောကြောင့် Flash ဖြင့် ဖြည့် ရိုက်ရန် လိုပါက မိမိ ရိုက်လိုသော အဝေး ရှိ ငှက်အထိ အလင်းရောင် ရောက်နိုင်သည့်  Telephoto extender  ကို သုံးပါ။ အချို့ သော ငှက်များသည် အလင်း ထဲသို့ မထွက် ဘဲ ခြုံ အတွင်း ၌ သာ ခိုနေလေ့ ရှိသည့် ငှက်များ လည်း ရှိ ရာ အဆိုပါ ငှက်မျိုးကို ရိုက်မည် ဆိုပါက Flash ဖြင့် သင့်တင့်သည့် အလင်း ဖြည့် ပေး ရန် လိုသည်။
ပုံ ၀ါးမသွား စေရန် အတွက် Shutter speed အမြန် နှုန်းဖြင့် ရိုက်ရမည် ဖြစ်သဖြင့် ISO တင်ရိုက်ရန် ၀န် မလေးပါ နှင့်။ ရိုက်သည့် ကင်မရာ လှုပ် ရှားမှု မရှိ စေရန် ခိုင်ခန့်သည့် Tripod သုံး ရန် လိုပါသည်။ ငှက်က လည်ူ လှုပ် ၊ ကင်မရာ ကလည်း လှုပ် နိုင်သည့် လှုပ် နှစ် လှုပ် အနက် မိမိ ထိန်း ချုပ် နိုင်သည် ကင် မရာ အလှုပ်ကို ငြိမ် အောင် လုပ်ရပါမည်။

အလွန်မြန်သည့် ငှက် ပျံ နေသည်ကို ရိုက် ပါက Focus မိနေစေကာမူ Shutter Speed ကို လုံလောက် သည့် အမြန် သို့  မတင် ထားပါက Motion Blur မျိုး ဖြစ်သွားတတ်သည်။
 
တတ်နိုင် သမျှ Frame အပြည့် ရ အောင် ပုံ ကြီးကြီး ရိုက်ပါ။ အနီး သို့ တတ် နိုင်သမျှ ကပ်၍ ရိုက် နိုင်ရန် ကြိုးစား ရန်လိုပါသည်။
 
နံနက် ခင်း နှင့် ညနေခင်း များတွင်သာ ရိုက်သင့်သည်။ အလင်း ရောင် harsh များသည့် နေခင်းပိုင်းတွင် မရိုက်သင့်ပါ။ တတ်နိုင်သမျှ ပုံ များများရိုက်ပါ။ တစ်ချက် ထည်း နှင့် ပုံကောင်း နိုင်ရန် ခဲယဉ်းသည်။
 
ငှက် ငြိမ်သက်စွာ နားနေသည့် ပုံ ထက် ပုံ စံ အမျိုမျိုးနှင့် လှုပ်ရှားနေသည့် အသက်ဝင် သည့် ပုံများရအောင် ကြိုးစားပါ။ စိတ်ရှည်ရှည် ထားကာ လိုသည့် အနေအထား ရရန် စောင့်ပါ။
 
Equipment
၃။     အဝေးက ငှက် ကို လှမ်း ရိုက် ရသည့်အတွက် Tele Lens များလိုပါသည်။ အနည်းဆုံး 80-200mm လောက် ဆိုလျှင် မဝေးလှသည့် ငှက်ကို လှမ်း ရိုက် နိုင်ပါသည်။ 300mm, 400mm, 500mm, 600mm တို့ ဆိုလျှင် ပို၍ ကောင်းပါသည်။ Focal Length ရှည် လေ ပုံ ကြိးကြိး ရ နိုင်ကာ နောက်ခံ အနှောက် အယှက် ကင်းကာ ၀ါး နေပေလိမ့် မည်။  
 
 
ငှက် ရိုက်သည့် Lens များ။
 
သက်ဆိုင်ရာ ကင်မရာ အလိုက် ထုတ်လုပ်သည့် Original Lens များသည် ဈေးအလွန်ကြီး ပါသည်။ ထို့ ကြောင့် အတော်များများ သော ၀ါသနာ အရ ရိုက်ကြသည့် Bird Photographer များသည် Sigma, Tamron  စသည့် Third Party Lens များကို သုံးကြပါသည်။ 80-200mm, f-2.8 ကဲ့သို့ သော lens များကို 1.4x, 2X စသည့် Tele Converter များ ခံ ၍ လည်း သုံး နိုင်ပါသည်။
 
ငှက် ရိုက်နေသူ တစ်ဦး။
 
 
ငှက် ရိုက်နေသူ တစ်ဦး။
 
နားနေသည့် ငှက် ကို ရိုက်ရာတွင်  အကယ်၍ 300mm, 400mm, 500mm, 600mm ကဲ့သို့ Long Tele များ မရှိလျှင်  အနီးသို့ ကပ်နိုင် သမျှ ကပ်၍ ရိုက်နိုင်ရန် ကြိုးစား ရမည် ဖြစ်ပါ သည်။ သို့ ရာ တွင် အထက်တွင် ဖေါ်ပြထားသည့် အချက် များကို တော့ သတိပြု ရန် လိုပါမည်။
 
" ကင်မရာ နောက်မှ လူသာအဓိပါ " ဟု ဆိုသည်ကို ရန်ဖန် ရန်ခါ ကြားရလေ့ ရှိပါ လိမ့်မည်။ အခြားသော ရိုက် နည်း များတွင်  ဟုတ်ကောင်း ဟုတ်ပေလိမ့်မည်။ ဤ ရိုက် နည်း မှာ မူ လူ တစ်ဦးထည်း တော် နေ ကောင်းနေရုံ မျှ နှင့် ထိပ်တန်း ပုံကောင်း မရ နိုင်ပါ။အနု ပညာသဘောနှင့် အမြင်သဘော ၊ Composition ၊ သက်ဆိုင်ရာ ပစ္စည်း ကိုင်တွယ်ရာ တွင် ကျွမ်း ကျင်မှု စသည် တို့ မှာ လူပေါ် မူတည် သော်လည်း။ ဤကဲ့သို့ အဝေး သို့ လှမ်း ရိုက်ရသည့် ကိစ္စ များတွင်မူ ၄င်း နှင့် သက်ဆိုင်ရာ သည့် ပစ္စည်း အထောက်အပံ့ မပါဘဲ မည်သို့ မျှ ပုံ ကောင်း ရနိုင်မည် မဟုတ်ပါ။ လူမည်မျှ တော် နေစေကာမူ AF 80-400mm, f-4.5-5.6 Tele-Zoom Lens ကထုတ်ပေးသည့် ပုံသည် 400mm, f-2.8 G ED VR Prime Lens ကထုတ်ပေးသည် ပုံ ကို မည်သို့ မျှ မယှဉ် နိုင်ပါ။

အလွန်မြန်စွာ ပျံနေသည့် ငှက်များကို ရိုက်ရာ တွင်မူ အထောက် အကူ ပစ္စည်း ကဏ္ဍ က ရှေ့တန်း သို့  ပို ရောက်လာပါသည်။ ဤ သည်မှာ Bird Photography ၏ အခြားသော ရိုက်နည်း များ နှင့် အတူ သည့် အချက် ပင် ဖြစ်ပါသည်။
 
----------------------------------
 





 


 
 






 

No comments:

Post a Comment