Nuffnang Ads

Friday, 2 November 2012

(13)   Low Light Photography Part (I)                      ဓါတ်ပုံပညာရပ်ဆိုင်ရာမှတ်စု (၁၃)

(နေရာ အသီးသီးမှ စုဆောင်း ထားသည်များအနက် ကောင်းနိုးရာရာဟုယူဆသည် များကို ရွေးချယ် ကာ မြန်မာဘာသာ ဖြင့် ဆီလျှော်အောင် ပြန်ဆို မှတ်စုထုတ်ထား ခြင်း ဖြစ်ပါသည်။ )


                 အလင်းရောင် အဖျော့ တွင် ရိုက်ကူးခြင်း
                       Low Light Photography

Part (1)

အလင်းရောင်း ဖျော့ဖျာ့ တွင် ရိုက်ကူး သည့် Low Light Photography  နှင့်  ည ပိုင်း ရိုက်သည့် Night Photography နှင့်မရောသင့်ပါ။ နေ့ခင်းတွင် ပုံမှန်ရှိသည့် အလင်းရောင်ထက် လျှော့နည်း နေသော အနေအထားမျိုးတွင် ရိုက်ရသည့် အနေအထားသည်  Low Light Photography  ပင်ဖြစ် သည်ဟု ဓါတ်ပုံ ပညာရှင် အချို့ က အဓိပ္မါယ် ဖွင့်ကြသည်။ ထို့ ကြောင့် အဆောက် အဦ အတွင်း မျက်စေ့ဖြင့် ပုံမှန် ကြည့်ရန် အခက်အခဲ ရှိသည့် အလင်းရောင် အနေအထားတွင် ရိုက်ရသည် ကို လည်း Low Light Photography   ဟုခေါ်ကြသည်။


                 Antelope Canyon, 5 second exposure @ f/10, ISO 200
 
အလင်းရောင် အဖျော့  ( Low Light Level ) အဆင့် (၃) ဆင့်
တောက်ပနေသည့် အလင်းရောင်မှ မဲ မှောင်နေသည့် အဆင့် အတွင်း အလင်းရောင် အဆင့် အမျိးမျိုး သတ်မှတ် နိုင်မည် ဖြစ်သော်လည်း ယခုမူ အဆင့် (၃) ဆင့်သာ ခွဲ ပါမည်။ အဆင့် များကို ဘာသာပြန်ခြင်း ထက် မူရင်းအတိုင်း ထားသည် က ပိုရှင်း ပါသည်။
  1. Visible: နေ့ခင်း အလင်းရောင် ရှိနေသော်လည်း  အဆောက် အဦ နှင့် သစ်ပင် တို့ ၏ နောက်  အရိပ် ကျနေသည့် နေရာ အတွင်းရှိ သော အလင်းရောင် အနေအထား အဆင့်။
  2. Low Light:  နေ၀င် သွားပြီးနောက် ပတ်ဝန်းကျင်ကို သဲ ကွဲ စွာ မြင်ရသေး သော် လည်း မှောင်ရည် သန်းလာပြီဟု ဆိုရမည့် အဆင့်။
  3. Dark:  ည ပိုင်း ၊ တောက်ပသည့် အရာကိုသာ မြင်ရတော့ သည့် အဆင့်။
ဓါတ်ပုံ သမားများ အနေနှင့် အထက်ပါ အခြေ အနေ (၃) မျိုး တွင် ရိုက်ရာ၌ သာမန်ကဲ့ သို့ မဟုတ်ဘဲ အတန် အသင့် အခက်အခဲ နှင့် ကြုံ နိုင်ကြပါမည်။
1) အလင်းရောင် ဖျော့စေကာမူ မြင်နိုင်သည့် အလင်း အခြေအနေ
နေ့ခင်း ဖြစ်သော်လည်း အရိပ်ကျ သည့်နေရာများတွင် ရိုက်ကူး သည့် အခါ ကင်မရာ၏ View Finder  LCD တွင် ပုံသည် ပြတ်သားကောင်းမွန်သည်ဟု ထင်ရသော်လည်း ကွန်ပြူတာ ဖန်သားပြင်ပေါ် တင်လိုက်သည့် အချိန်တွင်မှ ၀ါး နေသည်ကို တွေ့ရ သည့် အဖြစ်မျိုး  ကြုံ ရ တတ်ပါသည်။ အကြောင်း မှာ အောက်ပါ တို့ကြောင့် ဖြစ်သည်။
လူတို့၏ မျက်စေ့သည် အလင်းရောင်ပြင် ကို ကျယ်ကျယ် ပြန့်ပြန့် (Broader Range of Light ) မြင်နိုင်သည်။ ယင်းကို “ Dynamic Range “ ဟု ခေါ်သည်။ ကင်မရာကိုလည်း မြင်သည့် အတိုင်း ခိုင်းသည်။ ထို့ကြောင့် ဓါတ်ပုံရိုက်သူသည် အလင်းရောင်နည်းသည့် အရိပ်ထဲတွင် ဖြစ်စေကာမူ အလင်းရောင်း များများ ရှိသည်ဟု ထင်နေသည်။ စင်စစ်အားဖြင့် အလင်းရောင်သည် ပုံ ကို ကောင်းမွန်စွာ ပေါ်ထွက်လာနိုင်သည့် အနေအထားမျိုးအတွက် လုံလောက်စွာမရှိ။ ထိုအခြေအနေ မျိုး တွင် Set လုပ်ထား သည့် Camera Setting ကြောင့် အကျိုးဆက် နှစ်ရပ် ပေါ်ထွက် လာနိုင် သည်။ - (၁) ပုံ သည် ၀ါး သွားနိုင်သည် ။ (၂) ပုံတွင် Noise များစွာ ပေါ် လာနိုင်သည်။
                                Daytime low-light, 1/125th @ f/8, ISO 800
1.1)   Blur ( မှုန်ဝါး ခြင်း ) ဖြစ် မသွားစေရန် Shutter speed တင်ရိုက်ခြင်း
ပုံ ၀ါး သွားရခြင်းမှာ shutter speed နှေးနှေး ရိုက်ရာတွင် ကင်မရာ လှုပ်သွားသောကြောင့် လည်းကောင်း Subject က လှုပ်သွားသော ကြောင့် လည်းကောင်း ဖြစ်နိုင်သည်။ ထိုအဖြစ်ကို ရှောင် ကွင်းရန် Shutter speed တင်ရန် လိုလာသည်။ 10-24mm wide Angle Lens ဖြင့် ရိုက်ပါက Shutter speed 1/50 အောက်ကို ချ ကာ  Hand-Held ရိုက် ၍ ကိစ္စမရှိ။ သို့သော် 100mm  အထက် Telephoto Lens များဖြင့် ရိုက်သည်ရှိသော် Hand Held ရိုက်၍ မလွယ်တော့။ အကောင်းဆုံးနည်းမှာ Hand-Holding Rule ကို သုံး၍ ရိုက် သင့်သည်။
 
Hand-Holding Rule ကို ဖွင့် ဆိုရာတွင် မူကွဲ များရှိပါသည်။ သို့ သော် ပုံ ၀ါး မသွားစေရန် အလွယ်ဆုံး နည်းမှာ 1/f Rule  (f= Focal Length) ဖြစ်သည်။ဆိုလိုသည်မှာ 100mm Telephoto Lens ဖြင့် ရိုက်ပါက Shutter speed ကို 1/100s တွင်ထားကာ 200mm Telephoto Lens ဖြင့် ရိုက်ပါက Shutter speed ကို 1/200 s တွင် အနှေးဆုံး ( ထိုထက် ပိုမြန်ရန်သာ ရှိသည် လျှော့၍ မရ )ထားပါက ပုံ ၀ါး သွားခြင်းမှ ကာကွယ် နိုင်မည်ဖြစ်သည်။ ဤ နည်းစနစ်သည် ပုံ ၀ါး မသွားစေရန် အတော်အသင့် အထောက်အကူ ပြုသော်လည်း လုံးဝ ဥဿုန် စိတ်ချထား၍မရ။
 1.2)  Aperture  ကို ချဲ့ ပေးရန်၊
ယင်းကဲ့သို့ Shutter speed ကို အမြန်တွင် ထားသောကြာင့် အလင်းလုံလောက်စွာ ၀င်နိုင်စေရန် Aperture ကိုချဲ့ပေးရမည်။ Aperture ကို Lower Numberသို့ ရွှေ့ ပေးရမည်။ Set လုပ်ထား သည့် Shutter Speed နှင့် Agreement ရှိမည့် Aperture အထိ တစ်ဆင့်ခြင်း ချဲ့ ပေး ရန်လိုသည်။
1.3) Focusing  မြန်သည့် Lens  ကိုသုံးရန်
များသောအားဖြင့် အလယ်အလတ် Zoom  Lens များ ၏ အကျယ်ဆုံး ဖွင့်နိုင်သည့် Aperture မှာ f-3.5 ဖြစ်သည်။ Professonal အဆင့်ရှိ အချို့ သော Zoom Lens များမှာမူ f-2.8 အထိ ရှိကာ အချို့ ဆိုလျှင် f-1.2 အထိပင် ရှိသည်။ Shutter speed နှင့် Aperture တို့ ၏ (အချိတ်အဆက်) Relation ကိုကြည့်လျှင် - ပုံ တစ်ပုံကို Aperture f-8, Shutter speed 1/125s  ဖြင့်ရိုက် သည် ဆိုပါစို့ Aperture ကို  f-5.6 အထိ ဖွင့်လိုက် မည် ဆိုပါက Shutter Speed ကိုလည်း 1/250s ဖြင့် ရိုက်နိုင်မည် ဖြစ် ပြီး f-4 အထိ ဖွင့်လျှင်မူ    Shutter Speed သည်လည်း 1/500  အထိ မြန် လာမည်ဖြစ် သည်။ Aperture ကို  f-1.8, f-1.4 တို့ အထိ ဖွင့်ထားမည်ှဆိုပါက Shutter Speed သည် လည်း ပို၍ မြန်လာမည် ဖြစ်သည်။ ဤ ကဲ့သို့ Aperture ကို ကျယ်ကျယ် ဖွင့် ထား သောကြောင့် Depth of Field သည် လည်း Depth of Field  ပါးပါး( Shallow Depth of Field )သာ ဖြစ်လိမ့်မည်။
Fast Focusing Lens များအချို့ ကို နမူနာ ပြရ ပါက-  Nikon တွင် 50mm- f-1.8, 50mm- f1.4, 38mm-1.8G စသည့် အခြေခံ Lens များအပြင် အခြား တန်ဘိုးကြီး သော Zoom, Telephoto Lens များလည်း ရှိသည်။ Canon တွင်လည်း EF 50mm-f1.4 USM, EF 50mm – f 1.8 II, EF 28mm –f 1.8 USM စသည်များသည် Fast Lens များ ဖြစ်ကြသည်။
 
                                   Fast prime lens - Nikon 50mm f/1.4G AF-S
 
1.4)  VR/IS technology ပါရှိသည့် Lens များသုံးရန်။
VR ( Vibration Reduction), IS ( Image Stabilization )  စသည့် Technology ပါသည့် Lens များသည် ကင်မရာ လှုပ်ရှားမှု ကြောင့် ဖြစ်ပေါ်လာသည့် ပုံ Blur ဖြစ်မှု ကို ထိန်းပေးသည်။ အဆိုပါ Lens များကိုသုံးပါ။ Nikon VRII technology သည် 4 Stop အထိလျှော့ ချပေးသည်။ VR မပါသည့် အခြားသော Lens များနှင့်  1/250s ဖြင့် ရိုက် ရမည်ကို VR Lens ဖြင့် ရိုက်လျှင် 1/30s ဖြင့် ရိုက်နိင်ပေ သည်။ ဥပမာ အားဖြင့် Nikon 18-55, f 3.5-5.6 G-Nikon 18-200 , f 3.5 5.6 G VR II , စသည်တို့ သည် VR ပါသော Lens များ ဖြစ်သည်။ Nikon 70-200mm, f 2.8 G VR , Nikon 70-200mm, f 2.8 G VR II စသည့် Aperture ကျယ်သော Lens များမှာမူ Low Light Photography အတွက် သင့်လျှော်သည့် Lens များ ဖြစ်သည်။ Canon တွင်လည်း ဤကဲ့သို့ Aperture ကျယ်ကျယ် ဖွင့် နိုင်သည့် Lens များရှိသည်။
                    Fast lens with VR II - Nikon 70-200mm f/2.8G ED VR II
 
1.5)  ISO တင်ရန်
Low Light Photography အတွက် ကင်မရာ ISO Sensitivity ကို တင်ရန် လိုသည်။ ဥပမာ အားဖြင့် ISO 100-ဖြင့်  Shutter speed 1/125 ထား၍ ရိုက်သည့် ပုံကို ISO 400 ထားပါက Shutter Speed ကို 1/1000 ဖြင့် ရိုက်နိုင် လိမ့်မည်။ အကြမ်း ဖျဉ်း အားဖြင့် Doubling ISO, Doubling  Shutter Speed -  ISO ကို နှစ်ဆ တိုးလျှင် Shuter Speed သည်လည်း နှစ်ဆ တိုး သည် ဟူသော အချိုး ရှိသည်။
                             Standing in the shadows, 1/25th @ f/8, ISO 1600
ISO တိုးလျှင် သတိတော့ ထားရန်လိုသည်။ ပုံတွင် Noise များ ထလာ နိုင်သည်။ သို့ ရာတွင် ခေတ်မှီ နောက်ဆုံးပေါ် ကင်မရာများမှာ မူ ISO 6400 အထိ Noise မထ ဘဲ ရိုက်နိင်သည် ဟုသိရသည်. သို့ သော် ပုံ အရည် အသွး ကောင်းရန်အတွက် လိုအပ်မှ သာလျှင် အနည်းဆုံး ISO ကိုတင်ရန်သင့်သည်။
Part(II) ဆက်ရန်။
------------------------------------------------------------
 
 


 

No comments:

Post a Comment